ꆀ ꃅ ꈎ ꏅ
ꁱ：ꏾꐚꈬꀦ
ꀘ：ꐚꑕꒈꎆ
ꆀꃅꁡꇤꌩꏾꇓꏾꍧꄹꊰ
ꊰꇁꌩꑭꅞꄮꇬ
ꁧꇁꇉꄩꌩꏾꇓꏾꃅꆳꐊꄉꌧꈿꐺꄉꇬ
ꆀꃅꀉꐔꂃꏂꂃꆧꈚꄉꆀꃅꈎꏅꋨꅉꃅ
ꁡꇤꀊꉘꌠꆗꇇꏸꇇꃀꄖꄉꈎꏅꃅꑍꌗ
ꃀꌠꀿꃀꑊꈜꄅꍅꀕꈧꌠ
ꁯꋒꌐꒉꏭꄮꏮ
ꈻꇈꋍꈚꑌꄉꈎꏅꁦꅉꌧꇁꐮꇰꃅ
ꃅꈎꃅꆪꑠꑵꑌ
ꁦꀑꂚꃨꐊꄉꃨ
ꇉꅶꒉꌺꐊꄉꎔ
ꐧꇁꃰꊿꈍꑋ
ꃅꈎꃅꆪꊂꈹ
ꑍꆏꈧꌺꐊꄉꎭꌠꐥ
ꌊꆏꆪꌺꐊꄉꌒꌠꐥ
ꆀꃅꈎꏅꇆ
ꆀ ꃅ ꈎ ꏅ ꇆ
ꁍꋩꀿꋩꑱꈐꊐ
ꎧ ꐎ ꎧ ꒉ ꄅ ꄉ ꈇ
ꎵ ꃀ ꃬ ꏿ ꉔ ꄉ ꍇ
ꆀ ꌺ ꆀ ꅪ ꑟ ꐎ ꑟ ꃴ ꍬ ꄉ ꑱ ꈐ ꑟ
ꆀ ꃅ ꈎ ꏅ ꇆ
ꑲ ꑊ ꃅ ꇴ ꋊ
ꑱ ꈐ ꇒ ꊸ ꌣ
ꁍ ꇁ ꀿ ꇁ ꉛ
ꃮ ꏖ ꃮ ꌉ ꄮ
ꃮꌉꎓꁨꀕ
ꃮ ꀠ ꀆ ꆼ ꀕ
ꃮꏸꉜꃮꏸ ꃮꏸꃀꆏꌡ
ꃮꆜꉜꃮꆜ ꃮꆪꂷꏾꎵ
ꋍ ꏅ ꃰ ꊿ ꉌ ꃀ ꄚ ꐊ ꁨꐞꄑ
ꆀ ꃅ ꐥ ꐨ ꄚ ꐊ ꁤ ꇅ ꀕ
ꀋꃋꑮꆜꏷꌺꆪꌺꐊꄉꎧꏸꑵ
ꈎ ꏅ ꀉ ꉱ ꋍ ꊱ ꇈ ꋍ ꊱ
ꑵ ꃚ ꐝ ꄧ ꀕ ꌠ ꃀ ꌠ ꋋ ꅲ ꇖ ꈭ ꀕ
ꐤ ꇊ ꏀ ꇊ ꑟ
ꈎ ꏅ ꊂ ꄹ ꉇ
ꀉꄉ ꎸ ꐡ ꁡ ꊭ ꂥ
ꀊ ꉘ ꌠ ꆗ ꎸ ꋠ ꎸ ꅗ ꏸ ꀦ ꀕ
ꆀ ꃅ ꀊ ꐔ ꃮ ꃹ ꈝꃀ ꎴ ꌠ ꋴ
ꃮ ꏽ ꃮ ꇇ ꐕ ꇁ ꉻ ꍮ ꑌ ꄉ
ꏣ ꇁ ꑟ ꌺ ꐮ ꏯ ꅇ ꄜ ꌠ ꅇ ꄜ
ꆀ ꌺ ꆀ ꅪ ꒌ ꆠ ꄁ ꃰ ꏿ ꌠ
ꆀ ꃅ ꈎ ꏅ ꑞ ꄮ ꇬ
ꏭ ꇁ ꀿ ꌗ ꃀ ꌗ ꈫ ꇬ ꑌ ꄉ
ꇭ ꀧ ꊷ ꆣ ꀕ
ꉌꂵꊷꆣꀕ
ꐥꐨꊷꆣꀕ
